Gwasanaethau a gynigir gan HER

Mae Cofnod Hanesyddol yr Amgylchedd yn cynnig gwasanaethau i fodloni anghenion ystod eang o ddefnyddwyr.

Ymchwilwyr academaidd
Gellir chwilio ein cronfeydd data mewn amrywiaeth o ffyrdd fel y gallwn gynnal chwiliadau cronolegol a thematig. Mae ein cofnodion yn fynegai i ffynonellau gwybodaeth pellach, yr ydym yn cadw llawer ohonynt fel copïau yn ein casgliadau cefnogol o fapiau, lluniau, erthyglau cyfnodolion ayyb.

Archaeolegwyr amatur
Rydym yn gallu rhoi gwybodaeth ar gyfer ymchwil leol. Mae’r adran Rheoli Treftadaeth hefyd yn gweithio i roi cyngor a chymorth i grwpiau lleol sydd am wneud gwaith maes archaeolegol.

Contractwyr Archaeolegol#
Mae dealltwriaeth o’r amgylchedd hanesyddol lleol yn hanfodol ar gyfer unrhyw ddarn o waith archaeolegol ac mae’r wybodaeth a gedwir yn HER yn declyn chwilio hanfodol. Rydym yn rhoi gwybodaeth i gontractwyr at amrywiaeth o ddibenion o asesiadau desg i ymchwil cyn prosiectau gwaith maes. Cyflwynir pob adroddiad canlyniadol i HER ac rydym yn sicrhau y trefnir bod canlyniadau’r rhain ar gael.

Datblygwyr ac ymgynghorwyr masnachol#
Rydym yn rhoi gwybodaeth ar amrywiaeth o lefelau i’w defnyddio mewn asesiadau archaeolegol. Rydym hefyd yn cynnig gwasanaeth ymholiadau ar gyfer meysydd datblygu arfaethedig. Cysylltwch â ni i drafod eich gofynion.

Grwpiau astudio lleol
Mae modd chwilio’r cofnodion yn ôl lleoliad fel y gallwn roi gwybodaeth am amgylchedd hanesyddol eich ardal leol. Mae gennym ystod o wybodaeth gefnogol, megis mapiau hanesyddol o’r rhanbarth. Hefyd rydym yn gallu cynnig anerchiadau a chyflwyniadau ar agweddau o’r amgylchedd hanesyddol lleol.

Defnyddwyr synwyryddion metal/Rhestru darganfyddiadau
Rydym yn sefydliad cofnodi ar gyfer y Cynllun Cofnodi Hynafiaethau Cludadwy ac rydym yn cysylltu â defnyddwyr datgelyddion metel unigol yn ogystal â chlybiau datgelu metel lleol. Rydym hefyd yn rhestru darganfyddiadau y mae’r cyhoedd yn dod â nhw i mewn. Mae gwrthrychau bob amser yn cael eu dychwelyd i’r perchennog*, ond gwneir cofnod er mwyn rhoi gwybod i ymchwilwyr y dyfodol.

Ysgolion a phrifysgolion
Rydym yn cynnig gosodiadau gwaith i ddisgyblion ysgol lleol ac i fyfyrwyr prifysgol.

# Codir taliadau am ymholiadau masnachol – gweler ‘Canllawiau Mynediad a Chodi Tâl’
* Amodol ar amodau’r Ddeddf Drysor – gweler adran Cynllun Cofnodi Hynafiaethau Cludadwy ein gwefan